Tag: கண்ணாடி

சிதறிய மாமிசத் துண்டங்களைத் திண்பதற்கு ஓடி வந்த நாயொன்றின் மேல் கல் வீசப்பட அது வள்ளென்று குரைத்தவாறு கண்ணாடி ஜாடியின் மேல் வந்து மோத ஜாடியின் உள்ளிருந்து விழுந்து சிதறிய மாமிசத் துண்டங்களைத் திண்பதற்கு ஓடி வந்த நாயொன்றின் மேல் கல் வீசப்பட அது வள்ளென்று குரைத்தவாறு கண்ணாடி ஜாடியின் மேல் வந்து மோத ஜாடியின் உள்ளிருந்து விழுந்து சிதறிய மாமிசத் துண்டங்களைத் திண்பதற்கு……… ஆரம்பம் எது முடிவெது என்ற குழப்பத்தில் ரங்கராட்டினம் போல் ஒரு வட்டத்தில்…

வெண்மணல். உடைந்த சிறுசிறு கண்ணாடித்துண்டுகள். காயாத செந்நிற திரவம். ஒர் இறுக்கமான ஒவியத்தின் சாத்தியக்கூறுகள். திருட்டுத்தனமாக புகைக்க வந்த சிறுவன் மணல்மேட்டில் சிதறிக்கிடந்த கூறான கண்ணாடித்துண்டுகளை கவனிக்காமல் தடுக்கிவிழுந்திருக்கலாமோ? ஆற்றோரமாயொரு சமயவிழாவில் நடந்த குரூரமான வன்முறையின் குறியீடோ? காதலனொருவன் காதலியின் மேல் சிவப்புநீரடித்து ரகசியமாக “ஹோலி” கொண்டாடுகையில் உடைந்துபோன வெண்ணிற வளையல்துண்டுகளோ? உரிமம் பெறாத மருத்துவர் செய்த கருக்கலைப்புக்கான ஆதாரங்களின் குவியலோ? +++++ மணற்புயலுருவாகி மணல் மூடி கண்ணாடித்துண்டுகள் மற்றும் செந்நிற திரவம் மறைந்து போயின. +++++…