கூட்டம் பெருகிவிட்ட
சிற்றுண்டி நிலையத்தில்
வருபவர்களை
வாயிலில் காக்கவைத்து
உள்ளிருக்கும்
கூட்டம் தணிந்த பின்
காத்திருப்போரை
உள்ளே விடும்
வாயிற்காவலனொருவனை பார்த்தேன்.
நிகழ்கால இருப்பை பொறுக்காமல்
நிற்காமல் நகரும் நினைவுகள்.
இறந்த கால அவஸ்தைகளை அசை போடும் ;
எதிர் காலத்தை எண்ணி
அல்லலுறும்.
உள் புகும் நினைவுகளை
வாயிலில் நிறுத்தி
பரிசோதித்து
வடிகட்டி உள்ளனுப்பும்
காவலனொருவன் எனக்கு கிடைப்பானா?
இலைகள், மலர்கள், மரங்கள் 